Q&A#3- 為什麼要等半年？

今天認識了一位媽媽，她懷疑兒子有發音問題，但上次評估後，治療師著她先等待半年再做評估，所以她很困擾不知道該怎麼辦。

「及早治療」(early intervention) 是一個重要的概念，一旦確診有語言發展遲緩或障礙，治療應愈早開始愈好。然而，許多時候治療師著家長多等半年，原因當然不是因為中心名額已經爆滿(雖然這是常有的情況)。

其實，一個評估會受到許多因素影響，其中一個因素便是「練習效應」(practice effect)。簡單來說，如果小朋友因短時間內做兩次評估，會因為記得答案，所以影響了評估的結果。

因此，如果治療師認為沒有需要立刻訓練，但有需要再觀察一下，便會安排半年後才再評估。當然，治療師不會叫家長白等，評估後通常會有一些建議給家長，促進小朋友的語言發展，家長不用擔心只做評估的話錢會浪費了。

(P.S. 因為又到學期尾，所以小弟工作繁重，很久沒出post，請見諒)

Q&A#2- 各大院校言語治療programme PK

Q: 有想入行嘅朋友問我其實HKU, Poly同IEd個Speech Therapy Degree有咩分別？
A: 

Programme名稱
HKU Bachelor of Science in Speech and Hearing Sciences [BSc(SPEECH)]
Poly: Master of Speech Therapy (MST)
IEd: Master of Science in Educational Speech-Language Pathology and Learning Disabilities MSc(ESLPLD)

時間

HKU: 讀5年，因為係學士學位黎。
Poly: Master黎，讀2.5年。
IEd: 都係Master黎，讀2年。
三個都係Full time。

學費
HKU: 同普通資助學位一樣價，5年x$42000=20幾萬到
Poly: 40幾萬
IEd: 30幾萬

教學
三間應該都差唔多，因為講到尾呢行好講自我學習，好多野書/上堂都無教，一係靠問人，一係靠自己研究。三間都會提供實習機會，唔會叫你自己出去搵，不過我自己就強烈建議有心嘅同學多啲參加一啲義工服務，見識多啲。

認受性
概括地講，三間都受認可嘅，而且各有各優勢。HKU就個名靚啲，家長buy啲；Poly同IEd學生就成熟啲，如果有工作經驗更加加分。所以，畢業後各大機構請唔請你，好睇際遇。

點樣先入到
HKU唔洗講，考好DSE啦。Poly就話prefer有linguistics, psychology或者同health有關學位嘅同學。IEd就無講明，不過我相信相關嘅工作/義工經驗會非常之有幫助。

我貼埋三間院校嘅網址係到，如果有咩問題都好歡迎PM我問。

HKU
Poly
IEd



如你或你的朋友想了解更多‎言語治療的資訊，可follow我的專頁，多謝支持。https://www.facebook.com/speechtherapylife/

Q&A #1- 我應該怎樣選擇合適的工作？

問題: 我應該怎樣選擇合適的工作？

回答:

最近，應屆的畢業生開始搵工，不約而同，有幾位師妹(我地呢科一向女多男少)問我關於不同setting不同公司的意見。在此我亦簡述其中一些言語治療師(ST)的工作地點。

1. 非政府組織(NGO)

保良局、明愛、協康會等等皆是NGO。在NGO工作的ST會有不同的崗位，有些是長駐政府資助的幼兒中心，有些則要巡迴各幼稚園的。

2. 特殊學校
能夠一直陪伴學生成長大概只有在特殊學校。

3. 私人診所
在診所的工作五花八門，不過大多數時間都是外展服務(中小學、老人院、幼稚園)，不然就是在診所睇症。

4. 醫院(HA)
提起醫院，大概每位ST學生都會打冷震，因為醫院係一個好唔同嘅世界。大部分個案也是成人中風後/癌症治療後的呑嚥/溝通評估和治療。

深入了解清楚後，就選自己喜歡的就行了，待遇其實差不多。同時，想想人生有什麼計劃，了解行業前景能否幫忙達到人生目標，畢竟工作只是人生的一部分。加油！

如你或你的朋友想了解更多‎言語治療的資訊，可follow我的專頁，多謝支持。

https://www.facebook.com/speechtherapylife/